АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Април 16, 2026
Четириесет камери поставени на Пелистер
Април 06, 2026УБАВА ВЕСТ за ПЕЛИСТЕР! 40 НОВИ КАМЕРИ, 40 НОВИ ЛОКАЦИИ ЗА ВИДЕО МОНИТОРИНГ во реонот на Нижо Поле, Пелистер, Цапари, Вртушка и Брајчино.
Јавната установа Национален парк Пелистер активно работи на унапредување на системите за заштита и следење на природата, преку примена на современи методи за мониторинг и научно истражување.
Во рамки на овие активности, воспоставен е систем за следење на дивиот свет со помош на фото-замки, поставени на повеќе стратешки локации низ паркот, вклучително:
Ниже Поле, Пелистер, Цапари, Вртушка и Брајчино.
Главната цел на овој систем е да обезбеди прецизни информации за состојбата во природата, преку:
– следење на движењето и навиките на дивите животни
– проценка на бројноста на популациите
– навремено детектирање на потенцијални закани
– поддршка на научни и стручни анализи
Посебен фокус е ставен на мониторинг на клучни видови како кафеавата мечка, дивокозата и карактеристични видови птици и растенија, како и на крупни цицачи (волк, рис, дива свиња и срна), кои се индикатори за здравјето на екосистемот.
Дополнително, во континуитет се следат:
– состојбите на вредни и чувствителни живеалишта (глацијални езера, моликови шуми, камени реки и алувијални подрачја)
– ендемични и заштитени растителни видови
– водни екосистеми и популации на пастрмка
– птици, лилјаци, инсекти, водоземци и влекачи
Во исто време, ваквиот систем придонесува и за подобрување на контролата на терен и спречување на активности кои можат да ѝ наштетат на природата.
Сите податоци од камерите во насока на зголемена безбедност во рамки на НП Пелистер ќе бидат достапни на СВР Битола
Апелираме до сите посетители:
– да се движат согласно обележаните патеки
– да не го вознемируваат живиот свет
– да ја чуваат природата чиста
Заштитата на Пелистер е заедничка одговорност, информираат од
ЈУ Национален парк Пелистер 
Општина Битола обезбеди бесплатен превоз до ски-центрите на Пелистер
Јануари 07, 2026Општина Битола обезбеди бесплатен превоз до ски-центрите на планината Баба, кој ќе се реализира утре (четврток) и во петок.
Од Општина Битола информираа дека локалната самоуправа и јавното претпријатие „Пелалинк“ и оваa зима за време на зимскиот распуст за учениците, но и за сите граѓани обезбедија бесплатен превоз до ски центрите на Нижо Поле и „Молика“.
Утре, 8 јануари и на 9 јануари, бесплатно може да се користи автобуската линија број 1 за ски центар Ниже Поле, а тргнувањето е во 8:00 часот од паркингот кај Спортската сала, и автобуската линија број 2 за превоз до хотелот „Молика“, а поаѓа во 8:00 часот од паркингот кај Новиот пазар.
Враќањето на двете линии од ски центрите е во 13:00 часот, соопштија од Општина Битола.
Изгубен планинар на Пелистер – во тек е спасувачка акција
Јануари 03, 2026Изгубен планинар на Пелистер – во тек е спасувачка акција
На подрачјето на Националниот парк Пелистер, во близина на локацијата позната како „Антена“, пријавен е изгубен планинар.
Лицето било телефонски достапно околу 10 минути, по што сигналот на мобилниот телефон бил изгубен. Потрагата првично била извршена со ратрак, но без успех.
Остварен е контакт со директорот на Националниот парк Пелистер, Иванчо Тошевски, кој и самиот се наоѓа на терен. Тој стапил во комуникација со началникот на СВР Битола со цел обезбедување на точни координати за лоцирање на планинарот.
Акцијата за пронаоѓање и спасување на планинарот е во тек, потврдува за АПЛА.мк директорот на НП Пелистер Иванчо Тошевски.
А.Б
,,Први на први“ - Над педесет планинари тргнаа на врвот Пелистер за да го доживеат првото изгрејсонце во Новата 2026
Декември 31, 2025Пред само неколку минути 50 учесници од 10 градови од Македонија, Црна Гора и Германија, кои се дел од настанот "Први На Први" ја започнаа планинарската акција од локација на Инфоцентар за искачување на Врв Пелистер. Оваа година во организација на "Олимпус Монс" со поддршка на Општина Битола како дел од Зимската приказна настанот се организира по 5ти пат. Целта е да се дочека првото изгрејсонце во Новата година од еден од најубавите природни видиковци на Балканот.
-Станува збор за искусни планинари, добро познати имиња на пошироката јавност во Македонија и во регионот. Ќе имаме ведро небо, ниски температури, полна месечина и прекрасни погледи на со снег прекриената Баба Планина во текот на искачувањето. Во мое лично име и во име на сите учесници на цела Битола и Македонија Ви посакувам Среќна нова 2026", изјави за АПЛА, Иванчо Тошевски, организатор, претседател на планинарското здружение „Олимпус Монс“ и директор на НП Пелистер. 
А. Блажевска
А. Блажевска 
Најчитани
