Податоците од специјализираниот портал за следење на квалитетот на воздухот во Република Северна Македонија при Министерството за животна средина и просторно планирање, покажуваат значително намалување на концетрацијата на ПМ10 честички во воздухот во ноември годинава, во споредба со, на пример, истиот месец 2015 година. Намален е и бројот на денови кога била премината границата на дозволеното загадување од 50 мг на метар кубен, пишува во соопштението на СДСМ.

Според табелата, пак, за вкупниот број на надминувања на годишно ниво на секое мерно место во земјава, станицата Битола 2 сместена во центарот на градот, е далеку зад прворангираната општина – Кавадарци. Мерното место Битола 2 измерило 78 надминувања на граничната вредност во 2020 година, а мерното место во Кавадарци – 135 пати.

Овие податоци ни оддалеку не говорат дека проблемот со загадениот воздух во Битола е решен. Но, секако се показател дека Битола е да добар пат во битката за почист воздух. Гасната комора која некои ја видоа дури годинава, не може да биде одлика на Битола. Затоа минатата година СДСМ го воспостави Планот за чист воздух, а борбата против аерозагадувањето влезе во стратешките приоритети на Владата. Општина Битола, водејќи се од приоритетот – заштита на здравјето на граѓаните, ги има ставено во функција сите расположливи ресурси и капацитети за следење и намалување на загадувањето на воздух во градот. Инвертер клима уредите кои преку локалната самоуправа веќе стигаат до нас 2.000 семејства во Битола се дел од мерките за намалаување на загадувањето на воздухот, како што е замената на греењето на дрва во дел од институциите во градот со еколошки системи за затоплување и , секако, гасификацијата, пишува во соопштението на СДСМ од Битола.