Познатиот битолски фотограф Коста Дупчинов во Магазата во Битола ја постави својата изложба „Носталгија“. Таа содржи фотографии од препознатливи места во десет градови низ Македонија, кои постепено исчезнуваат од модерниот лик на градовите, но ќе останат во колективната меморија на жителите. Меѓу фотографиите за Битола се и берберницата во чаршијата која повеќе ја нема, како и други стари кројачки работилници.  Изложбата ќе биде  отворена до 16 декември, па сите љубители на убавата фотогрфија и  битолски носталгичари можат да ја посетат.