Тој рече дека хотелот „Молика“ ги почитува највисоките стандарди и ги запазува сите протоколи како во тековното работење, така и во услови наметнати со држабниот картантин. Од 28 март до денес во државен карантин во „Молика“ поминаа 194 македонски повратиници од странски држави, а втората група заминува за неколку дена.

„Лицата во карантин добиваат три оброци дневно, нивниот престој е ограничен во хотелските соби, а редот го обезбедуваат лицата од МВР, за комуналниот отпад и сѐ што е потребно во координација сме со Црвен крст и ЈКП ‘Комуналец’. На секои 5 дена се вршат комплетни дезинфекции на објектот, дистрибуција одлагање на сметот со дезинфекција на сите ходници, коридори и места каде се подига. Храната се дистрибуира по посебни патеки, па нашите вработени воопшто немаат контакт со лицата што користат карантин“, рече Каровски.