-После темелното чистење на обиколницата околу Битола, ангажирани се чувари кои  ја одржуваат чиста обиколницата. Сликата која сега е таму е многу поразлична од она што беше во минатото. Покрај тоа што го собираат ѓубрето, се грижат и никој да не фрла . Она што сега е таму е неспоредливо со она што беше претходно. Видеото што Општина Битола го изработи за обиколницата ја прикажува  разликата на пред и потоа, изјави за Апла.мк Валентин Груевски , претседател на Советот  на Општина Битола.

Кон крајот на јуни обиколницата беше темелно исчистена  од губрето и дивите депонии Состојбата во овој дел летово е комплетно променета, а отстранети беа  вкупно 2000 м³отпад. Покрај координираното делување на терен и спроведените активности со соодветна механизација од страна на јавните претпријатија, за дорасчистување рачно интервенираа и 10 вработени од ЈП Комуналец.

Покрај отстранувањето на отпадот, се изврши и миење на улицата со цистерна, со цел завршување на координираната акција за чистење на големата депонија, која претставуваше опасност за возачите, лоша слика на влезот во градот, а од еколошки аспект со себе повлекуваше низа штетни последици.