Црквата „Св.Недела“ во битолското село Велушина која со децении наназад на денешен  ден собираше стотици верници во црковниот двор оваа година остана празна поради ситуацијата со корона кризата. Таа е една од деветте цркви во ова село во која по традиција се одбележува денешниот христијански празник посветен на света Недела.

-Од рано утрово свештени лица одржаа литургија по повод празникот и се крена лепче за дравје, но заради кризата не е дозволено собирање на верници, ни потврдија жители на Велушина.

Во оваа црква на денешен ден се собираат велувци не само од Битола и од државата, туку насекаде од дијаспората, а  свирките  и дружбите во дворот на црквата траеја со часови. 

Во текот на годините многу велувци се иселија од селото , но не ја заборавија родната грутка, камбанаријата во црквата  „Св. Недела“ е подарок од семејството Манговски. 

-Камбанаријата ја подигнаа Јован и Мара Манговски со фамилијата од Америка во 2005 година, стои запишано на мермерната плоча во црковниот двор. Сите девет цркви во Велушина се на различни локации и сите имаа посебно значање.