АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
„Успешно се завршени ремонтите на два од трите термоблока во РЕК Битола, со што значително се зголемува сигурноста на производството на електрична енергија од базни извори. Наредните денови почнува и ремонтот на ТЕ Битола 3, со цел сите три термоблокови да бидат на располагање пред почетокот на зимата.
Состојбата во рудниците Суводол и Брод Гнеотино е значително стабилизирана, а со зголемениот ископ на јаловина обезбедена е нова откривка на јаглен. Дополнително, реализирани се сервисни активности на рударската механизација, што ја зголемува нејзината оперативност“, објави АД ЕСМ и ја иницираше потребата од развој на проекти за изградба на когенеративни гасни електрани во Скопје, Битола и во Неготино.
На состанокот присуствуваа генералниот директор на АД ЕСМ Лазо Узунчев, заедно со директорот за финансии Иван Аџија Стојановски и советничката за производство Елена Стојкоска со министерката за енергетика Сања Божиновска, претставници на Министерството за енергетика и сите релевантни институции.
Главната тема на состанокот беа активностите за претстојната грејна сезона 2025/2026.
АД ЕСМ информираше за целокупната подготвеност на производните капацитети и значајните инвестициски активности реализирани во изминатиот период.
„И покрај неповолната хидрологија, задржан е голем дел од акумулираниот хидропотенцијал. Ова е резултат на оптимизацијата на производството во текот на летото и одговорното управување со хидроелектраните.
Во тек се финални подготовки за зајакнување на инфраструктурата за испорака на топлинска енергија на територијата на Скопје, со цел да се обезбеди квалитетно и ефикасно греење во текот на зимата. Во соработка со ЕБОР, активно работиме и на проект за повеќегодишна модернизација на градската мрежа во Скопје.
Интензивно работиме на диверзификација на изворите на енергија преку имплементација на проекти за обновливи извори и енергетска ефикасност. Во тек се подготвителни активности за изградба на пет фотонапонски електрани (Битола 1, 2 и 3, Осломеј 2 и Богданци) со вкупна моќност над 230 MW, а започнуваат и теренските активности за изградба на Паркот на ветерни електрани Богданци-фаза 2. Во тек се подготвителни активности за проектот ветерен парк Миравци - 100 MW инсталирана моќност, а исто така развиваме проект за ветерници на планинскиот масив Илинска Плакенска Бигла.
