АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
По кратко боледување денеска почина Проф. Д-р Божидар Маслинков, поранешен ректор на Универзитетот „Св.Климент Охридски“ Битола.
Роден на 18.12.1943 во Битола. По гимназиското образование се запишува на Природно – математичкиот факултет – Скопје (1966).
Mагистрира на Хемиско – технолошкиот факултет при Универзитетот „Св. Кирил и Методиј“ – Скопје (1983).
Докторира на Хемиско – технолошкиот факултет во Загреб (1992).
Неговата наставно – педагошката активност започнува во 1969. Избран за надворешен соработник на Педагошката академија во Битола, подоцна како професор на Вишата земјоделска школа и Вишата медицинска школа (1969).
Избран за вонреден професор на Факултетот за учители и воспитувачи (1995).
Избран е за ректор на Универзитетот Св. Климент Охридски (1999 – 2003). Има објавено повеќе од 20 трудови во Македонија и странство.
Се пензионира во 2009г.
Посмртните останки ќе бидат погребани утре во 13:30 часот на Буковските гробишта во Битола.
