Во завршна фаза е остранувањето на дивите гаражи зад зградата ЈАТ во Битола, по што ќе следува уредување на просторот. Во меѓувреме Општината одредува нови локации каде ќе се отстрануваат нелегално поставени гаражи, а досегашните корисници ќе бидат известени за да го испразнат просторот.  

-Акцијата за отстранување на диво изградените гаражи и објекти во градот и натаму ќе се спроведува од страна на општина Битола. Бидејќи станува збор за многу локации и многу барања од страна на жителите на поголеми населби во градот, да се стави конечно ред со диво изградените гаражи и објекти, се утврдува редоследот на постапување. Исто како и кај гаражите зад зградата кај поранешен ЈАТ, така и за следната интервенција, јавноста ќе биде известена, а претходно и сопствениците на диво изградените гаражи, со цел да ги отстранат предметите кои што ги чуваат во нив, соопштија од Општина Битола за Апла.мк.