АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Директорот на НУУБ „Св. Климент Охридски“ – Битола, м-р Бојан Стефановски потпиша меморандуми за соработка со директорката Наташа Ставревска од ООУ „Гоце Делчев“-Битола и директорката Жанета Тошеска од ООУ„ Св. Кирил и Методиј“-Битола.
На средбата беа договорени активности на библиотеката и основните училишта, меѓу кои предвидена е заемна размена на информации, знаења и искуства од областите на образованието и културата; учество, соработка и реализација на заеднички проекти, како и заедничко одбележување на значајни настани преку организирање на работилници, предавања, трибини, промоции и сл.
Библиотеката продолжува со низа настани со цел да ги интегрираме децата, учениците, младите и возрасните лица библиотеката да стане нај посакуваното место. Битолската библиотеката е еден од столбовите на духовните, творечките, културолошките и јазичните аспекти на секоја нација, на секоја популација.
