Одделот за внатрешна контрола изрече мерка за одземање на оружјето од пријавениот полициски службеник од Битола кој ја натепал невенчаната сопруга. 

Како што се наведува во МВР-билтен, на 29 јануари 2024 година во Битола Џ.Р. физички ја нападнал неговата невенчана сопруга и ѝ нанел телесна повреда.

Од МВР информираат дека Одделот за внатрешна контрола, криминалистички истраги и професионални стандарди при МВР поднесе предлог за поведување постапка за потешко кршење на работниот ред и дисциплина по член 210, став 1, точка 10 и 20 од Колективниот договор на МВР и член 26 од Етичкиот кодекс  за однесување на работниците на МВР.

По ова одделот за внатрешна контрола изрече и мерка за одземање на оружјето од пријавениот полициски службеник. 

Објавено од А.Б