На 27.03.2025 година, Центарот за Психолошко советување и Психотерапија „Свесност“ – Битола успешно реализираше интерактивно предавање на тема „Да зборуваме за психотерапија“. Настанот беше од отворен карактер за нашите сограѓани, на кој се зборуваше на важни прашања за менталното здравје, потребата од професионална поддршка и начините на кои психотерапијата може да помогне во справувањето со предизвиците во секојдневниот живот.

Во ова време, свесни сме дека многумина се соочуваат со силни емоции, анксиозност дури и потиснати реакции. Важно е да знаеме дека никој не треба да биде сам во својата борба. Психотерапијата е поддршка, простор за разбирање и можност за заздравување.

Нашиот тим од искусни психолози и психотерапевти од „Свесност“ – Битола е тука за вас. Нудиме професионална психотераписка поддршка и помагаме на поединци кои сакаат да работат на себе, да се соочат со своите емоции и да најдат начини за надминување на стресот, траумите и предизвиците што ги носи животот.

Психотерапијата е чекор кон поголема емоционална стабилност и ментална сила. Време е да зборуваме за тоа – а уште поважно, време е да делуваме!