Формирање на координативно тело на протестите инорганизиран настап пред институции, бараат граѓани на Битола на вечерашниот протест против депонија во Пелагонија што се одржува пред Општина Битола. Трета среда по ред, граѓани излегоа на мирен протест против изградба на регионална депонија на територијата на Општина Новаци. На протестот што започна пред зградата на Општина Битола, насобраните граѓани се изјаснија против изградба на регионална депонија, во близина на  Битола. Бараат надлежните да најдат друга локација за реализација на проектот. За граѓаните кои протестираат е спорно и тоа што според проектот, на депонијата кај Новаци смет ќе одлагаат 18 општини од Југозападниот регион. " Мора да се организираме со координативно тело и да настапиме организирано, не вака. Мора да има барања поврзани со нашиот проблем, а не вака само со блокада на улицата и пред зградата на општината каде внатре нема никој.  Море да се има контитуитет. На депонија ќе се носат 300 до 320 илјади тони отпад", рече Тони Апостоловски, говорник. На ова имаше негодување од присурните. Зоран Лазаровски-Паљо кажа дека е зачуден од излезноста на битолчани на протестот и дека ги има во се помал број, наместо масивност.