АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Битолчани од секогаш бараат што повеќе пешачки зони низ градот. Денеска како позитивен пример, две битолчанки, со мубает и лесен чекор, први ја сефтосаа новата пешачка зона од Ленски Мост кон дрвеното мовче на реката Драгор. Мајсторите само што завршија со поставувањето на предвидената сигнализација и граѓнаите веќе зачекорија на безбедно. Градска Битола го негува својот шарм.
Мај 29, 2025
Edit itemСе воведува нов начин на сообраќај на булеварот во Битола, од Ленски Мост до дрвеното мовче
Мај 29, 2025
СЕ ВОВЕДУВА ТРАЕН РЕЖИМ НА СООБРАЌАЈ НА УЛИЦАТА „БУЛЕВАР 1 МАЈ“ ЗА ПОГОЛЕМА БЕЗБЕДНОСТ НА ПЕШАЦИТЕ И ВОЗАЧИТЕ
Општина Битола, во соработка со Јавното претпријатие „Паркинзи“, од денес започна со воведување на траен режим на сообраќај на улицата „Булевар 1 Мај“, на потегот од „Ленски мост“ до Дрвеното мовче.
Увид во денешните активности извршија градоначалникот на Општина Битола, Тони Коњановски, советникот Бојан Бојкоски, директорот на ЈП „Паркинзи“, Зоран Михајловски, како и претставници од одделението за комунални дејности при Општина Битола.
Со поставување на заштитни столбчиња и обележување на дел од коловозот, се обезбедуваат јасни и безбедни зони за движење и на пешаците и на возилата. Паркирањето на коловозот е строго забрането, со цел да се овозможи непречено движење и да се зголеми безбедноста на сите учесници во сообраќајот.
Со овие мерки се очекува значително растеретување на овој дел од градот и создавање на побезбедна сообраќајна околина за граѓаните
