Поради зачестените појави на девијантно однесување на поединци на територијата на општина Битола, како и сè побројните евидентирани прекршоци во областа на градежништвото, сообраќајот, услужните дејности, јавната чистота, несовесното постапување со јавните добра, за кои што постојано се поднесуваат пријави од граѓаните, Општина Битола донесе одлука - Секторот Општински инспекторат да биде целосно активен на терен и вон утврденото работно време.

Општина Битола воведува секојдневни дежурства на терен на инспекторите, со цел да се констатираат било какви незаконски и прекршочни дејствија на територијата на целата Општина.

Дежурствата ќе се спроведуваат секојдневно со вршење на надзори и обиколки, во и вон работно време во работните денови, како и во викенди и неработни денови. Граѓаните имаат можност за затекнати појави на несоодветно и девијантно однесување да го информираат општинскиот инспекторат и преку дежурниот телефонски број 075388797.

Одлуката за делувањето на инспекторатот на територијата на Општина Битола е да се превенираат било какви нерегуларности, недоследности и незаконитости во секоја сфера на општественото живеење, бидејќи секој граѓанин заслужува мирна и квалитетна животна средина. Тоа е неприкосновено законско право на секој од жителите, а Општината со сите свои ресурси, ќе се залага за негова реализација.

Со оваа одлука, Општина Битола, останува доследна на спроведувањето на законските одредби при постапувањето и справувањето со проблемите со кои се соочуваат нејзините граѓани.