Надлежните служби во Општина Битола се координираат околу претстојниот фудбалски натрпевар кој треба да се одржи на 9 септември помеѓу репрезентациите на Македонија и Италија. СВР Битола денеска соопшти дека од страна на полициски службеници од СВР Битола одржан е работен состанок со претставници на ФФМ, Општина Битола , менаџер на Градски стадион "Петар Милошевски" како и претставници од Агенција за обезбедување на лица и имот  и ТППЕ Битола, а во врска со одигрување на претстојниот фудбалски натпревар, помеѓу фудбалските репрезентации на Р.С.Македонија и  Италија во рамки на У-21, кој ќе се одигра на ден 9.9.2025 година со почеток од 18.15 часот на Градскиот стадион  во Битола.

-Во разговорот беше ставен акцент на целосно применување на одредбите од Законот за спречување на насилство и недостојно однесување на спортските натпревари, во кој се предвидуваат обврските на организаторот на натпревар, како и превенирање и спречување на секакви нарушувања на ЈРМ пред, за време и по завршувањето на натпреварот, соопшти СВР Битола