АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Националниот парк „Пелистер“ денеска, во соработка со Општина Битола и институциите што се дел од системот за управување со кризи, организираат симулациско - показна вежба за справување со пожар на отворен простор од пошироки размери. Вежбата беше организирана на локално и на регионално ниво, на превојот Ѓавато, со почеток во 12:00 часот.
Целта на вежбата беше: справување со пожар на отворен простор; увежбување на општинскиот штаб за заштита и спасување; целосна операционализација на инцидентот – команд-системот; организирање и вршење евакуација на населението; давање тријажа и прва помош на повредените, како и увежбување институционална кохезија, внатрешна и надворешна комуникација и координација меѓу институциите.
-Денес присуствував на симулациско-показна вежба на Ѓавато, во организација на Национален парк Пелистер и институциите од системот за управување со кризи, ЦУК И ДЗС, а со поддршка од Министерството за животна средина и просторно планирање, се спроведе симулациско-показна вежба за справување со пожар на отворен простор од пошироки размери.
Целта беше унапредување на подготвеноста за дејствување во случај на пожари, евакуација и прва помош, како и подобрување на координацијата и комуникацијата меѓу сите институции вклучени во системот за заштита и спасување.
Како градоначалник ја поздравував оваа иницијатива и ја истакнав важноста од подготвеноста и навремена реакција која придонесува за зголемена безбедност и подобра заштита на нашите граѓани и природата, изјави градоначалникот Тони Коњановски.
