АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Јубилеен 25-ти детски музички фестивал „ТРА ЛА ЛА“ во Битола!
На 6 ноември, во Центарот за култура – Битола, ќе се одржи јубилејното 25-то издание на детскиот музички фестивал „ТРА ЛА ЛА“. Публиката ќе има можност да ужива во нови детски песнички, многу музика, емоции и насмевки на најмладите изведувачи.
Како што изјави Тони Алексовски, директорот на фестивалот, „сите сме горди што оваа година го одбележуваме големиот јубилеј. Ветуваме дека ќе има уште многу песни, детски насмевки и љубов кон музиката.“
Во изминатите 25 години, „ТРА ЛА ЛА“ донесе на музичката сцена многу таленти, а многу поранешни учесници денес се дел од светот на музиката. Претставници на фестивалот достојно ја претставувале Македонија на 63 фестивали надвор од државата, во речиси сите европски земји.
фестивалот ќе се одржи во четврток на 6 ноември во Центарот за култура во Битола со почеток во 19:30 часот.
