По повод Меѓународниот ден на жените и девојките во науката, Europe House Битола, на 18 февруари,  реализираше настан што ги слави знаењето, науката и иднината на младите жени. На Економски факултет – Прилеп, средношколки и студентки, во форма на “speed dating” имаа можност да разговараат со професорки и научнички, да слушнат лични приказни за успех, предизвици и професионален раст и да добијат охрабрување за сопствениот академски и кариерен пат. Настанот имаше јасна цел – да ја истакне важноста на жените и девојките во науката, да поттикне самодоверба, љубопитност и амбиција кај младите генерации. Europe House Битола, ги проширува своите цели и во региониот, а вака портретираниот настан ги мотивира новите генерации и ги охрабрува младите девојки да бидат дел од светот на науката и сигурно да чекорат кон светот на знаењето, истражувањето и иновациите.