Во црно-белите кадри, тишината зборува повеќе од зборот. Во тој меѓупростор, значењето на сцените е осмислено од музиката – од чија емоција, младите на свој начин го доживуваат филмот.

Инспирирани од овој безвременски дијалог помеѓу тишината и звукот, Europe House - Битола, организираше настан посветен на магијата на немиот филм. На 27 февруари беа проектирани неколку класични неми филмови додека средношколци од музичкото училиште изведуваа музика во живо.

Нивните мелодии ги придружуваа сцените и им дадоа толкување во реално време.

Вака реосмислените неми филмови ги надминаа генерациите, ги поврза младите, и им дадоа можност да ја доживеат уметноста на несекојдневен начин.

Благодарност за соработката до Државно музичко училиште – Битола.