Премиерот додаде дека вакви решенија ќе добијат и општините Новаци и Могила. Како што истакна целта е секој граѓанин во секое населени место да ја почувствува промената во квалитетот на  животот.

„Ќе добиеме финансиска поддршка за општина Битола во три проекти преку Агенцијата за финансиска поддршка на земјоделството. Тие проекти се однесуваат на патот што го имаме од Кажани до Маловишта, излетничкото место во Лопатица и инфраструктурен зафат на делот покрај управната зграда во делот на Пазари. Ова се значајни проекти за граѓаните на општина Битола. Ме радува континуираната поддршка на Владата, сме ја имале во минатото ,но и денес се потврдува дека продолжува и убедена сум дека и во иднина ќе опстоиме со такава сериозна поддршка“, рече градоначалничката на Битола Наташа Петровска. 

Во Могила ќе се инвестираат 9 095 482 денари за реконструкција на локален пат за поврзување на село Долно Српци до регионалниот пат Р106 и поврзување на село Беранци до регионалниот пат Р106,како и пристапен пат до земјоделското земјиште.

Во Пелагонискиот регион ќе се реализират капитални инвестиции за реконструција и доградба на други локални патишта, како и означување на културни и природни знаменитости во Прилеп и Битола.