АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Избирачки одбори од Битола имаат проблем со пополнување на апликацијата во која се регистрира излезноста на гласачите за даден период.
Оваа година беше воведена новина со која избирачките одбори добија апликација од ДИК преку кој ги информираат ОИК за процентот за излезност, а на истата апликација можат да го пополнуваат и образецот 16 од Записникот во кој се сумирани сите резултати од денот на гласањето.
Од вкупно 169 гласачки места во Битола, над триесет од нив имаа проблеми со апликацијата.
-Доцниме со излезноста на гласачите бидејќи дел од избирачките одбори кои се повеќе од 30 имаат проблем со пополнување на апликацијата. Ако на време не се логираат и не пополнат со бројки за излезноста после одреден период тоа не можат да го сторат, па сега телефонски ни се јавуваат и статистика така ги внесува податоците. Тешко им оди со пасвордите и поврзувањето со ДИК, изјави Весна Томовска, претседател на ОИК-Битола.
