„Пратеникот“ е новата премиера на Интимен театар-Битола која во сабота со почеток од 20 часот ќе биде изведена на сцената на Народниот театар од Битола како гостување и своевидна соработка меѓу двете театарски куќи.

Режисерката Софија Ристевска рече дека претставаста е иницирана од „Народен пратеник“ на Нушиќ, но само како основна каписла, зашто како што наведе „знаете дека не работам со автори ни живи, ни мртви во оригинал, па ги преработуваме текстовите“.

„Состевена е од два дела. Првиот целосно авторски е на нашиот тим и зборува за општеството, личните проблеми, човекот, дехуманизацијата, истите теми што ме засегаат години наназад. Феминизмот, како се чувства жената во државата, како се чувствуваат маргинализираните луѓе, дали во ова општество имаме шанса да живееме, дали има еднакви права за сите? Во вториот дел една љубовна интимна, дури и социјална приказна за двајца луѓе што никако не можат да избегаат еден од друг затоа што се сакаат, а истовремено и општеството ги притиска“, рече Ристевска.

Во претставата настапуваат двајца актери, Валентин Дамчевски кој веќе пет години во континуитет е дел од сите претстави на Интимен театар и Катерина Аневска. Заедно со нив на сцена ќе биде и кореографот и танчер Борис Богдановски , кој долго време работи во театарската школа за деца при Интимен театар.

„Се работеше напорно, но беше фасцинантно. Мојот лик во претсвата е третиот во нивната врска. Нивните мисли ги пренасочувам во движење и експресија на телото“, рече Богдановски.

Актерот Дамчевски, пак истакна дека „Пратеникот“ за него беше огромен предизвик зашто досега не работел толку експериментален процес со комплицирана естетика и тешки психофизички задачи кои намерно си ги задале.

Музиката во претставата е на композиторот Александар Талевски-Скачето, соработник на Интимен театар 10 години.

„Инспирацијата за музичкиот дел во најголем дел е од улогата на актерот, но и на оној внатрешен крик што го носиме во нас , она што не можеме да го искажеме и не сакаме. Се потрудивме музиката да ја извадиме од душа и крикот да го извадиме во претставата. Музиката е модерна или индустријал мјузик која магично влегува во цела претстава“, рече Талевски.

„Пратеникот“ трае 70 минути, камерна претстава е и ќе се одригра во Народен театар –Битола.

.

Додека Битола е зафатена повторно од голем иселенички бран, Интимен театар поготви премиера која раскажува за желбата на група млади луѓе да останат во родниот град. Претставата „Леонс и Лена“ работена по пиесата на Бихнер содржи и документарни материјали извлечени од приватниот живот на актерите Никола Стефанов, Валентин Дамчевски, Анастазија Христовска и Антонио Китановски, а сетоа тоа во режија на Софија Ристевска- Петрушева.

„Одиме контра тој огромен бран што во моментот постои на заминување, на емигрирање, фаворизиорање на Европа и другите држави од западниот свет. Претстасвата зборува за желбата на луѓето да останат во нашиот град, обратно од сите што се иселуваат. Нашиот град е напуштан масовно и не само тој, туку од цела држава луѓето заминуваат, по коронавирусот уште поголем е тој бран на заминување. Ние сакаме да кажеме дека останувањето е исто толку важно и животот на луѓето може да биде активен и квалитетен и во нашата средина. Можноста да сте свои во својот свет и да не си емигрант е многу важно во овој момент. Да се издига оваа идеа на пиадестал, а не само идејата за заминување и напуштање да биде доминатна“, рече Ристевска -Петрушева.

Ова е прв проект на „Интимен театар“ кој е финансиски потмогнат од Министерството за култура во последните четири години.

„Важно е што во овој проект ангажиравме млади луѓе кои не се вработени, се на слободна пракса зашто пандемијата ги постави на маргините бидејќи целиот пазар се затвори. Целиот буџет што го добивме успеавме да го влееме во независната сцена која постои во нашиот град“, рече режисерката.

Актерот Валентин Дамчевски изјави дека Интимен театар е местото што ги отвора вратите на младите артисти и му дозволува да ги третираат проблемите од нивните гледишта, да зборуваат и за нив.

„Важно е што Министерството го одобри овој проект и го финансираше зашто во еден момент нашиот театар се почувства дека оди во некаков колапс и многу важно е што ги добивме овие пари зашто младите луѓе кои живеат тука треба да бидат задржани“, рече Дамчевски.

Со по 20 гледачи во публика, со запазување на сите протоколи, претставата ќе биде одиграна пет пати на 20, 23,25,27 и 30 јуни во Интимен театар со почеток од 20 часот.

Претставата „Жени“, документарен театарски проект по текстови на жени болни од рак, во режија на Софија Ристевска Петрушева, продолжува да ја полни салата во „Интимен театар“ во Битола. Ова е трет месец како се прикажува, а интересот не спласнува. По синоќешната изведба наградена со овации, претставата ќе се игра и овој петок со почеток од 20 часот во Интимен театар. Во „Жени“ играат трите најодважни кои го победија ракот и предрасудите, па јавно проговорија за битката со оваа тешка болест- Невена Стерјова, Трендафилка Киклевска и Катерина Петровска.

(Фотографија од храбрите жени, учеснички во претставата)

Инаку, претставата е работена по автентични случки и текстови на жени болни од рак, но користени се и авторски текстови на Билјана Крајчевска, како и текстови од „Три сестри“, на А.П.Чехов. Ова е жив театар кој зборува отворено за проблемите на најголемиот дел од жените во Битола кои водат лавовска борба со оваа опака болест.

„Иако сме во 21 век, темата која ја претставивме, борбата со ракот, се уште е табу тема. Ние, што некои не нарекуваат ‘глумци’, иако по вокација не сме тоа, сепак сме активни актери во борбара со ракот. И верувајте, многу храбро се носиме со тоа“, велат жените од претставата.

Инаку, целта на овој театарски проект е да се подгигне свеста за редовни прегледи и брзо дијагностицирање на болеста која има епидемски размери, посебно во Пелагонискиот регион.

Ж.З.