Уште првиот ден од првиот уписен рок во гимназијата „Јосип Броз Тито“ учениците кои се пријавија за упис ја исполнија квотата со распишани слободни места за прва година.

Во оваа Гимназија, која со години важи за елитна, денес се пријавија 207 ученици, а според конкурсот објавени се 204 слободни места. Од „Јосип Броз Тито“ за Апла.мк потврдуваат дека и оваа година интересот за упис е голем, а најмногу пријавени ученици има за природно-математичкиот смер , комбинација Б.

Во четврток на 28 јуни ќе се спроведе вториот уписен рок за учениците во средните училишта каде останаа  слободни места по првиот упис кој беше на 18 и 19 јуни.

Според конкурсот што го објави Министерството за образование, за првпат годинава запишувањата на деветтоделенците ќе заврши во јуни и нема да има уписи во август.

Првиот уписен рок во средните училишта во Битола започна денеска. Во 7- те средни училишта од градот според распишаниот конкурс на  Министерството за образование и наука предвидени се вкупно 1966 слободни места, што е речиси двојно повеќе од завршени полуматуранти годинава, односно 1020 ученици. Но, во средните училишта во Битола се запишуваат деветоодделенци и од околните општини и градови.