За Денот на Музеите, потпишан меморандум за соработка меѓу Музејскиот центар во Драч и Завод и музеј Битола. Вчера во Археолошкиот музеј во Драч, Албанија, се отворија изложби од фондот на Битолскиот музеј. Присутните беа воодушевени од изложбата на постер фотогрфаии на препознатливите „Градски костими“, подготвена од етнологот Наде Геневска Брачиќ и изложбата на постер фотографии „Невестински соништа“ кои содржат касели и ковчези од Битолско, подготвена од етнологот и актуелна директорка на Завод и музеј Битола, д-р Мери Стојанова.