Во тек се подготовките за изготвување на социјална карта за пензионерите-членови на Здружението на пензионери од Битола. Ваквите активности беа една од темите на Деветтата редовна седница на Здружението. Со неа претседаваше претседателот на собранието Крсте Белевски, а присуствуваа претседателите на ограноците на Здружението на пензионери од Битола, Новаци и Могила.

Одлуката за изготвување на социјална карта на пензионерите, членови на Здружението на пензионери, беше централна точка на денешната 21 седница на Ивршниот одбор на Здружението со која раководеше претседателот Томе Димитровски.

Извршниот одбор на Здружението на пензионери од Битола под претседателство на Томе Димитровски одржа седница на која се разгледаа актуелните прашања од животот и работата на пензионерите во Битола. На седницата се расправаше за снабдувањето на пензионерите со огревно дрво и беше кажано дека доставата непречено се одвива и до септември сите пензионери ќе ги добијат дрвата согласно договорите. 

Прифатена е иницијатива во септември или октомври годинава во Битола да се одржи ревија на народни песни и игри и спортскли натпревари што ги организира Сојузот на пензионери на Македонија , но секако доколку нема опасност од ширење на коронавирусот. Ревијата ќе биде од регионален карактер бидејќи уште на седум други места во земајава ќе се одржат вакви манифестации.   

На седницата стана збор и за одредени финансиски средства да се доделуваат на пензионери со ниски примања за да може што полесно да ја преживеат ситауцијата со пандемијата на коронавирусот. Извршниот одбор донесе и одлука да учествува во финансирањето на одводот во зградата каде што се наоѓаат нивните простории бидејќи станарите и другите асоцијации кои имаат таму простории не го решиле успешно одводот. Договорено е да се партиципира по метар квадратен, а работите што поскоро да ги изведе Нискоградба. 

Членови на битолскиот огранок на Социјал демократскиот сојуз и граѓани со цел да дадат придонес за ублажување на економската криза обезбедија прехрамбени продукти и хемиски средства за хигиена кои како донација му ги донираа на Здружението на пензионери од Битола. Спакувани во педесет пакети донацијата ја прими претседателот на здружението на пензионери од Битола, Томе Димитровски. Тој заедно со членови на извршниот одбор на Здружението на пензионери донацијата му ја предаде на Општинскиот одбор на Црвениот крст кој преку своите волонтери ќе им ја достави на пензионери со ниски примања и социјални случаи. Се очекува ваквиот отег да биде пример и други асоцијации и поединци да дадат придонес за намалување на последиците создадени со пандемијатаи коронавирусот.