Градинката „Качунка“ која е клон на ЈОУДГ „Мајски цвет“ во Битола е времено затворена за престој на деца додека не се санираат штетите од земјотресот. Директорката Снежана Тодоровска соопшти дека во еден од двата објекта на градинката „Качунка“ оштетени се ѕидовите и паднати се парчиња малтер, па во услови кога има потреси не е безбедно за престој на деца. 

„Се работи за седум-осум дечиња кои се префрлени во други групи. Тоа не беше проблем зашто во овој период има и помалку деца во градинаките. Нема да се вратат назад додека не се санираат состојбите. А ќе се потрудиме што е можно поскоро тоа да се случи“, рече Тодоровска за Апла.мк.