Битола крие огромен број знаменитости и убавини кои треба да се зачуваат и пренесат. Приказните за Офицерскиот Дом, за Мустафа Кемал Ататурк и неговата љубов, за браќата Манаки, геноцидот врз Евреите, Саат Кулата, Старата чаршија, ликовната колонија Мал Битолски Монмартр се само дел од богатата историја на градот, што им ги раскажуваат туристичките водичи на домашните и странски туристи. Но, битолчани ретко имаат можност на ваков начин да го доживеат градот, па затоа Асоцијацијата на туристички водичи го одбележа 21 февруари , Светскиот ден на туристички водичи со двочасовна бесплатна пешачка тура ја претставија Битола пред нејзините граѓани онака како што тоа го првата пред многубројните туристи.

-Сакаме на нашите сограѓани да им ја раскажаме приказната која што им ја пренесуваме во 2 и пол до три часа на домашните и странските туристи, за повторно да се вратат назад, да видат дека Битола има многу убави работи, повторно да не посетат тие или нивните родните пријатели и добриот глас да се шири далеку. Многумина од битолчани не го посетиле Музејот, или не ја посетиле Хераклеја. И јас и моите колеги пред да ја започнем оваа работа, не знаевме многу податоци, но професијата не научи да ги бараме тие приказни и да ги пренесуваме. Има неверојатна реакција, домашните и странските туристи воодушевени се од богатата историја, традицијата, музиката. Воодушевени се кога им кажуваме на пример дека овде пред 100 години имало избор за мис, кога пред 99 години Широк Сокак бил осветлен со канделабри, потоа конзуларните претставништва, Музејот кој е сместен во објектот каде учел Мустафа Кемал Ататурк, Офицерскиот дом и ред други места, локалитети, објекти кои шо се гордост на градот и ретко каде можеат тоа да го доживеат и видат. Нормално е да ја пренесат таа информација. Наше е да го затскриеме она што е проблем и е негативното, а да го претставиме најдоброто за да имаме што повќе туристи во нашиот град, вели Горан Пинза, лиценциран туристички водич.

Наставничката Наташа Тодоровска, дојде на оваа тура низ Битола со своите ученици и родителите

-Ние ја живееме Битола, но за Битола читаме низ книгуите, историските документи. Но сакам од лиценциран водич да слушнам за Битола, ние битолчани да ја доживееме Битола како туристи. Сакам да слушнам како еден лиценциран водич ја пренесува приказната за Битола пред туристите, вели Наташа Тодоровска, наставник.

Некои од граѓаните дојдоа за низ едно вакво искуство да осознаат повеќе за Битола да бидат добри домаќини за своите гости.

-Сакав да видам кои се поважните места во Битола, за кога ќе имам гости да ги однесам таму, да видам каде одат туристите, вели битолчанка.

Туристичките работници велат дека добор битолчани што помасовно да присуствуваат на турите низ Битола за подобро да го запознаат својот град.

-Колку проценти од битолчани го посетиле музејот, колку дошле на оваа тура. Бесплатна иницијатива е, но треба да се негува, треба да се види, да знаеме каде живееме. Сакам овие пристуни да ми ги кажат своите импресии, да ми кажат што видоа, дали претходно знаеа, тоа е најважното, тоа е целта на оваа тура , вели Миле Спировски, туристички работник.

Македонската асоцијација на туристички водичи оваа бесплатна пешачка тура во најпосетените туристички места ја организира втора година по ред по повод Светскиот ден на туристичките водичи, 21 февруари.