АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Поп рок хорот BitVox во преполната сала на Офицерски дом во Битола синоќа одржа хуманитарен концерт„Со музика за музика“ во поддршка на матичната куќа, ДМУ - Битола го прославија својот прв роденден
Поп рок хорот "BitVox" е создаден во музичката фабрика на Марина Коруновска и Александра Ристевска за кратко време стана вистинска атркација која ја сочинуваат пред се ентузијасти, обични луѓе од различни професии и афинитети кои ги поврза огромната пасија кон пеењето. Една година подоцна, за нив се бара карта повеќе, а секој нивни настап е терапија за душа со прекрасните гласови на хористите, но и нивните наследници Тин поп рок хорот.
Хорот под раководство на Марина Коруновска, во еден глас со публикате ги пееше познатите поп рок нумери Billi Jean, Carrie, Zombie, Ајде да летаме, Круг, Строубери, Money, money, Аquarius.
Како изненадување, Коруновска го најави настапот на Ања Гроздановски од малите Ѕвончиња заедно со Григориј Прцуловски, придружувани со BitVox и ТИН ПОП РОК хорот , кои заедно ја изведоа познатата нумера на Паркети „Јас те сакам тебе“.
Поради големиот интерес за првиот концерт на Поп Рок хор "BITVOX", на 11 април во вторник, ќе се одржи и втор донаторски концерт во Офицерски дом - Битола
Собраните средства ќе бидат наменети за збогатување на инструментариумот на Државното музичко училиште - Битола
