Две девојки, најверојатно дојдени од некоја странска држава, со запуштен изглед, веќе неколку денови се забележуваат како седат со часови пред управната зграда на ЈП Пазари Битоа и во центарот на градот на Широк Сокак, како лежат под отворено небе кај дрворедите наспроти Центар за култура, велат битолчани за АПЛА.

Девојките во крајно незавидна состојба, запуштени, со тенка и извалкана облека и прекриени со лесни ќебиња на себе, без поголем багаж, веќе го привлекуваат вниманието на битолчани. Пазарџии и вработени од ЈП Пазари ни испратија фотографии како девојките седат на тротоарот од уличката каде се продава бижутеријата и велат дека таму се со часови, додека има сонце. Не разговараат со никого, а во вечерните саати се дислоцираат на Широк Сокак. Пазарџиите велат дека им даваат храна и овошки од она што продаваат, но бараат полицијата и надлежни служби да постапат, со оглед на тоа што тешко воспоставуваат комуникација со девојките. 

АПЛА се обрати до СВР Битола и побара инфомации од полицијата дали се запознати со случајот. Очекуваме повратна информација. 

А.Блажевска.

Фото АПЛА.мк