Премиерот Христијан Мицкоски очекува во втората половина на мај од неговата партија ВМРО-ДПМНЕ и коалицијата да ги соопштат имињата на кандидатите за градоначалници.

Тој вели дека во ВМРО-ДПМНЕ веќе е почната внатрепартиската дебата и оти од општинските комитети се пристигнати предлози со имиња.

„Во моментот е во тек внатрепартиската дебата, веќе од страна на општинските комитети се пристигнати предлози со имиња што треба да се најдат на анкетите, на мерењата. Започнуваме во втората половина од јануари да мериме интензивно и очекувам да ги соопштиме во втората половина на мај некаде околу 85 до 90 отсто од имињата на кандидатите што ќе бидат за градоначалници што ќе ги предложи коалицијата ’Твоја Македонија’, односно ВМРО-ДПМНЕ“,

рече Мицкоски денеска одговарајќи на новинарски прашања 

„Што се однесува до останатите кандидати за градоначалници во другите општини, вклучително и овде во Штип, сè уште како партија и коалиција не сме донеле конечна одлука кои ќе бидат имињата“,

додаде тој.