Со години, парето се вртело во планинарскиот дом „Копанки“, но откако тој изгоре и уште не е обновен, обичајот се прави во други простории или на отворено, но важно да е на Пелистер. Годинава при вртењето на мазникот планинарите си посакаа в година празникот да го чекаат во обновен планинарски дом.

Среќлијата Дамевски пак, се надева дека парето ќе му донеси успех во искачувањето на врвот Мон Блан за што итнезивно се подготвува.

Инаку, битолскиот планинарски клуб бил формиран во 1936, а како основачи се спомнуваат Борис Алтипармак, првиот директор на Националниот парк Пелистер и Чехот Јан Дубови, поранешен општински архитект. Уште од тоа време останала традицијата да се врати мазник на Пелистер. Адетот денес го продолжуваат новите генерации, а меѓу членовите на ПСК „Пелистер“ денес на празничната софра имаше и дечиња од неколку години.

Многу брзо по формирањето на друштвото организирале натпревари кои до денес не се повторени. Ски натпревар од Детското одморалиште до врвот Пелистер, преку Големо и Мало Езеро, Неолица до Битола, во траење од 17 до 18 часа, иако тогаш немале соодветена ски опрема. Ова се смета за најстаро национално планинарско друштво во земјава, кое работи со непрекинат континуитет од 1936, само што низ годините името „Пелагонија “ било променето во „Пелистер“.