Познатиот фотограф од Скопје, Милан Џинго, сними извонреден видео материјал со убавините на Македонија од птичја перспектива. Видеото го носи името „Македонија во четирите годишни времиња со погледот на птицата“, а снимено е од хеликоптер. Покрај езерските убавини, планини, ридови, полиња, археолошки локалити, на ова оригинално видео со својата реткост блеснуваат Пелистер и Пелистерските очи. Џинго е уметнички фотограф чиј ракопис е уникатен и остава длабок впечаток кај јавноста, што секако го потврдува и овој негов најнов видео материјал. Погледнете и уживајте!