Се реконструра патниот правец Битола -Могила, во декември тендер за експресен пат за Меџитлија.

Министерот за транспорт и врски Горан Сугарески, директорот на Агенцијата за државни патишта Зоран Китанов во придружба на градоначалниците од Пелагонија извршија увид  на градежните активности на патот Прилеп -Тополчани-Битола.

Сугаревски рече дека овој пат од 15 километри во делот каде што е оштетен ќе биде целосно направен бидејќи претходно и Македонија пат го има санирано тој дел . Министерот најави дека се работи на проектирање на експресен пат од Битола до Меџитлија. Постоечкиот пат ќе биде саниран.

Китанов рече дека од први декември ќе биде објавен тендерот за обиколницата од Битола за Меџитлија. Тоа ќе биде експресен пат и до година ова време ќе биде завршен.

-Во моментов тече тендерот за звучни бариери ба обиколницата кај Баирот за да се среди, рече тој.

Градоначалничката Наташа Петровска рече дека санирана е обиколницата кај Баирот, подобрена е конекцијата меѓу општина Битола, Новаци и Демир Хисар, а денес се подобрува и инфраструктурната врска од Битола за Могила.

Градоначалничката на Могила Јасмина Гулевска рече дека рехабилитација на патниот правец од излезот на Битола за Могила не е направена 60 години, а со сегашниит зафат  на овој  значаен правец кој поврзува 6 општини во Пелагонискиот Регион,  најголем бенефит ќе видат жителите на 22 населени места во општина Могила.