АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
Со автомобил минав низ улицата "Иван Милутинови", а на крстосницата со улицата "Едвард Кардељ" беше првото запирање од полициска екипа со возило.
По легитимирањето ја продолжив обиколката по улицата до кружниот тек кај Домот за народно здравје, потоа покрај стаклената зграда, па кај крстосницата кај Грозодот, до хотелот Епинал.
Ниту едно возило, ниеден пешак. Иста беше обиколката по Широк Сокак пеш. Овде пресретнав тричлена полициска екипа, која побара да се легитимирам и дозвола за движење за време на полицискиот час.
Непријатно и крајно непознато е чувството да си ги слушаш само сопствените чекори на главната битолска улица, која вообичаено, во ова време, околу 21 часот и лето и зима е раздвижено.
Она што може да се каже, барем за периодот пред полноќ, битолчани го почитуваат полицискиот час.
Во својата понова историја, во независна Македонија, ова не е прв полициски час кој го паметат битолчани. Ограничено движење имаше и за време на конфликтот во 2001 година, безмалку пред 20 години.
Емилија Мисирлиевски
