АПЛА.MK Преземањето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира.
- Тој е во добра здравствена состојба, отпуштен е од болница, но нема да се врати во Домот за стари лица, туку оди на домашно лекување. Имаме забрана за прием на нови корисници, а исто така, забранета е посетата на корисниците кои престојуваат во Домот, изјави Котевска вчера за апла.мк
Тој во изминатите дваесетина дена се лекуваше во Клиничката болница во Битола. Се работи за судија во пензија, а семејството одби да зборува за случајот.
85-годишниот битолчанец бил сместен во Домот за стари лица во Битола на 18 март. Симптоми на болеста појавил на 2 април, а имал контакти со вкука која била дојдена во Битола од Германија. Откако резултатите од тестирањето биле позитивни тој бил хоспитализиран во Битолската болница, од каде минатата недела изјавија дека пациентот е во стабилна здравствена состојба, бронхо- пневмонијата е стабилизирана, но тој е повозрасен и има други здравствени заболувања кои немаат врска со коронавирусот.
Откако кај него беше констатирано дека е заболен од КОВИД-19, осум вработени од Домот за стари лица беа ставени во самоизолација, а брисевите на 20 штитеници излегоа негативни.
Досега 18 битолчани се заболени од коронавирус или вкупно 22 лице на теритиријата што ја покрива Центарот за јавно здравје од Битола, вклучувајќи ги и Кичево, Ресен и Демир Хисар.
Ж.З.
