- Првиот ден на гинеколошко-акушерското одделение во Клиничката болница Битола среќен, плоден и бериќетен. Во текот на новогодишното дежурство, породени се 9, од нив 7 раѓања се по природен пат и две раѓања со царски рез. Првите новородени се близнаци, првиот роден на полноќ, тежок 2400 г долг 45 сантиметри, вториот близнак една минута после полноќ, 2410  г долго 45 сантиметри. Неизмерна радост близнаците и донесоа на мајката Александра Стрезовска, 32-годишна , второротка.  Сите новородени се здрави и живи,  во добра кондиција, мајките во општа добра состојба. Минатата година ја завршивме со 1110 раѓања, со надеж дека оваа година ќе имаме уште повеќе новородени, изјави д-р Николина Ристевска, гинеколог

Мајките и новороденчињата ги посети градоначалничката Наташа Петровска.

-На сите им поскаувам здравје, живот, да се радуваат родителите на нив и да ги израснат  во личности кои зад себе ќе остават трага и ќе покажат што значи да ги цените благодетите на животот. Ова е голема радост, а една од привилегиите да се биде градоначалник е токму да се радувате на ваквите мигови, изјави  Наташа Петровска, градоначалник на Битола