По пауза од шест месеци, денес дечињата се вратија во градинките во Битола. Од ЈОУДГ „Мајски цвет“ за Апла.мк изјавија дека започнаа со работа според сите пропишани протоколи и во комплетно дезинфицирани простории. 

„190 деца денес веќе се згрижени во градинката. Тоа е скоро половина од онаа бројка за која имаме најави дека ќе се врати во градинката деновиве, само им е оставен период на родителите да ги извадат потребните документи. Ќе бидат примени 415 деца, а ова покажува дека интересот е голем и дека градинките се наша голема неопходност. Родителите очекуваа да се отворат вратите на градинките за да можат да се вратат на работните места и да продолжи економскиот тек на работите“, изјави за Апла.мк директорката на „Мајски цвет“, Снежана Тодоровска.