Армијата се очекува од утре да се вклучи во обезбедување на болницата во  Битола. Ќе се обезбедуваат клиниките во Скопје, поголемите болници во Скопје, како и болниците во Тетово, Битола, Гостивар, Дебар, Куманово, Штип, Велес…

-Вчера го донесовме нашето барање како Влада и тоа е испратено до претседателот. Утрово имаше средба и договор на Оперативнот штаб на МВР и АРМ и очекувам  во текот на денешниот ден претседателот, како врховен командант, да даде зелено светло и дека практично уште од утре целосно да функционира, најави министерката за одбрана Радмила Шекеринска. 

Ваквата заштита ќе функционира исклучиво на барање на здравствените установи и дека тоа не  е одлука што ќе ја носи полицијата или армијата, туку ќе биде барање на здравствените институции и одговор на нивното барање.

-Подготвен е список од Министерството за здравство и по иницијатива на секоја од интитуциите ќе почнеме со распоредување на силите. Ќе бидат опфатени најголемиот дел од клиниките во Скопје и најголемите болници  како  „8 Септември“ и другите во градовите и во поголемите центри, како Тетово, Битола, Гостивар, Дебар, Куманово, Штип, Велес. Сите што покажале потреба ќе добијат поддршка, најави министерката за одбрана Радмила Шекеринска.