Синоќа, непознат сторител влегол во Офицерскиот дом и на приземјето запалил оган, за среќа битолчаните од околните кафулиња го забележале пламенот и ја повикале Поритивпожарната единица, која го изгасила огнот.

 „Она што ќе го направам со  сигурност е веднаш да ги поставиме тие баридаки кои ќе спречат во иднина да се случуваат вакви немили настани. Не би сакала да зборувам за тоа дали било исценирано или не, дали станувало збор за некој да се згрее или не, си има служби кои можат тоа да го истражуваат. Наше е да го заштитиме“, рече Петровска.

Таа истакна дека Минитсерство за култура веќе издвои 10 милиони денари за реставрација на Офицерскиот дом, а сега се разгледува која варијанта е поекспедитивна дали да се префрлат парите на Завод и музеј или на Општината. Воедно и Општина Битола годинава од својот буџет ќе искористи 10 милиони денари за Офицерскиот дом.  

„Покривната конструкција дефинитивно ќе биде направена, олуците и во делот на заштитата на дограмата за да не може да влегуваат внатре. Тоа е голем залак, но ако ги направиме тие зафати кои ќе значат заштита од следни руинирања, се друго е уметност зашто таму и плочка може да фали и за да најдете соодветна, потребно ќе биде и време и пари. Но, ќе бидеме упорни, нема откажување и ќе го вратиме сјајот на Офицерскиот дом “, рече Петровска.

Овој објект, наречен уште и битолски Версај по својата раскошна архитектура, е  заштитан како културно-историско наследство. Но, за жал во изминатите години често пати беше префрлуван од една на друга институација и во последните десетина години се руинира.