„Јуриј“ почна да се гради во летото 2012 година, до денес во новата населба „Златен рид“ се уште  не е решена  целосно инфраструктурата според договорот  направен меѓу инвеститорите и  Општината, иако од комуналии од тој простор општината инкасира 5,2 милиони евра.  

Адвокатот  Васил  Ѓорѓијев, кој ја застапува фирмата „Елита инвест трејд ДООЕЛ Скопје“, основана од биснисменот Липухин, вели дека тужбата  е поднесена додека Талески се уште беше на власт во октомври 2017 години, во Основниот суд Битола. Определен е судија  но, се уште се чека на закажување  на првото рочиште. 

-Инвеститорот зеде две парцели во поранешната касарна и ги уплати паричните средства и вклучително комуналиите кон Општината кои изнесуваа околу 36.600.000 денари.  Огромни суми на пари беа уплатени, а во договорот  со Општината  стоеше дека треба да го уреди земјиштето и да му овозможи на „Јуриј“ зградата која што се градеше нормално да функционира и набрзо да дојде до продажба на становите. Но, заради неажурноста на општина Битола тоа до денеска не е исполнето. Тоа се факти“, вели адвокатот Ѓорѓијев.

Тој наведува дека десетици пати пратиле дописи и предупредувања до Општината да се делува на терен и да се исполнат договорените ветувања, и покрај ветувањата на Талески, парите од комуналии од касарната биле пренаменети во ИЗ „Жабени“.

-Опомените од нас беа чести, инвеститорот не успеа да ги продаде становите според планот, затоа одлучивме додека беше Талески на власт да направиме вештачење да ја собереме целата документација  и да ја тужиме Општината. Штетата која бараме да ни се надомести изнесува 137. 852.397.28 денари, таа е во смисла на изгубена добивка и ред други штети кои се наведени во историјата на тужбата, вели адвокатот на „Јуриј“. 

Од општината ни одговорија : „Oва е уште еден од наследените проблеми од времето на Талески кој треба да го решаваме. Но, интересно е што тужбеното барање е подигнато десеттина дена пред одржувањето на локалните избори, на кои очигледно беше дека ќе победи СДСМ, иако проблемот со инфраструктурата во касарната беше актуелен години наназат. И баш во време кога се работи на изградба на улиците во поранешната касарна и на останата инфраструктура се акуелизира овој проблем“, велат од Општина Битола.

Новата локална самоуправа  не само што треба да ја заврши работата со урбанизација на просторот, туку и да го отплаќа кредитот од 2,5 милиони евра што го зеде Талески за да гради инфраструктура во поранешната касарана.   

Близу 10 милиони денари треба да исплати Општината само годинава за основа и за камата.