-Се бара решение на проблемот, кое што треба да биде целосно и да помине низ правни и административни филтри, дотогаш ќе биде оставен преминот низ оградата на Техничкото училиште , со тоа што ќе се интервенира  низ него да се минува само пеш, а  не  и со велосипеди и мотори. За оваа иницијатива претходно писмено ги информиравме одделот за комунални дејности на Општина Битола и СВР-Битола, вели директорот на СОТУ „Ѓорги Наумов“, Владимир Роме.

Овој проблем и е добро познат  и на градоначалничката Наташа Петровска,  додека  работеше како професор во школото и, беше дел од училишниот одбор кој пред неколку години побара решавање, но бившото раководство на училиштето не покажа интерес  за надминување на состојбите.

Како што претходно информиравме, училиштето заради безбедносни причини на учениците и вработените реши да ги и затвори и огради сите  диво отворени премини  кои од Новиот пазар водат низ дворот на училиштето до околните згради. Граѓаните минуваат низ спортските терени каде се одржуваат часови по физичко воспитување, па често минувачи влегуваат во вербални расправии со  учениците  ако случајно ги погодат со  топка. Па така училиштето деновиве со сопствени средства обнови и затвори дел од металната ограда.