На годинешното доделување на наградите за најдобри спортисти за 2018 година, Сојузот на спортови му додели посебно признание на тренерот Мико Голубовиќ, за одржување на тренинзи за кошарка на децата со посебни потреби. Децата посебно се израдуваа на ова признание за нивниот тренер и посакаа заеднички да го споделат успехот.

Училишната спортска сала во ОУ „Ѓорѓи Сугрев“ во Битола днеска беше исполнета со  радост и среќа на децата со посебни потреби кои секој вторник и четврток  овде тренираат спортски активности. Покрај редовниот тренинг под надзор на нивниот тренер, Мико Голубовиќ, инаку кошаркар во  КК „Пелистер“,  20 деца денеска добија комплет спортска опрема, спортски реквизити и новогодишни пакетчиња. Донацијата заеднички ја обезбедија Синдикалната подружница на РЕК Битола, наш иселеник од САД и неколку приватни фирми.

Во спортската сала на ОУ „Ѓорѓи Сугарев“ во Битола, децата со посебни потреби секој вторник и четврток, од 17.30-18.30 часот ќе изведуваат спортски активности, што воедно ќе подразбира нивно заедничко дружење.

Спортските активности, од кои најмногу е застапена кошарката, веќе трета недела се одвиваат во овој термин под водство на тренерот Мико Голубовиќ.  

-Иницијативата за спортските активности на децата со посебни потреби беше поддржана од локалната самоуправа, која ги обезбеди средствата за да може два пати неделно да се одржуваат часовите. Спортските активности се наменети за сите деца со посебни потреби, без разлика на возраста, а секој следен час нивниот број се повеќе расте, велат од Општина Битола.

Од стана на локалната самоуправа, на децата со посебни потреби им се доделени по два сезонски билети за ракомет, супер лига за мажи 2018/2019, да ги гледаат натпреварите во присуство на родител.

Здружението за хуманитарни дејности „Лајонс Клуб Кабадаја“ од Битола денеска организираше традиционално Дефиле низ Широк Сокак по повод Меѓународниот ден на лицата со инвалидитет. Учениците од основните и средните училишта од Битола се собараа на плоштад Магнолија, а во исто време пред Офицерскиот дом се собраа децата од Заводот за рехабилитација на говор, слух и глас „Кочо Рацин” Битола.