Се асфалтира патот од село Скочивир до река Коњарка, поточно до познатото излетничко место на истоимената река. Патот што се асфалтира, а досега беше земјен и со чакал е во должина од три километри. Станува збор за инфраструктурен проект финансиран од ЈП за државни патишта на РСМ во соработка со општина Новаци. Со ова жителите од овај регион добиваат пристапен патен правец до едно од омилените излетнички места во новачкиот крај и збогатување на туристичката понуда.

„Изградбата на овој патен правец е од големо значење за жителите од овој крај .Не само што го зголемуваме квалитетот на живот на локалното население градејќи инфраструктура за сите, ја зголемуваме и туристичката понуда за овој крај кој располага со бројни културно -историски споменици кои датираат од Прва светска војна, олеснувајќи го пристапот до нив .Отсега за љубителите на убавата природа, рекреативност и одмор и излетничкото место на река Коњарка ќе биде подостапно", истакна градоначалникот на Новаци Љубе Кузманоски.

Се асфалтира улицата „Климент Охридски“ во Битола. Новиот изведувач, кој беше избран откако Општината го раскина договорот со претходниот бидејќи тој не ги испочитува роковите, за многу кус период ја заврши работата и ја асфалтира улицата.

За првпат по асфалтен пат ќе се стигнува од Битола до најоддалечените мариовски села Старавина и Градешница,децениски сон на жителите од мариовскиот крај, но и на многумина други кои трагаат по планинарски и туристички аватури.

Најпрво целосно ќе се отстрани асфалтот, а потоа ќе се извадат старите коцки од улицата „8 Септември“ во Битола, чија реконструкција почна денеска. Станува збор за влезот од страната на Прилеп, каде јавното претпријатие„ Нискоградба“, покрај обврската за изградба на канализациската мрежа, треба да ја отстрани коцката. Општината во иднина ќе ги употреби овие  коцки за уредување на јавни површини низ градот.