Дали бившиот градоначалник на Битола, Владимир Талески ќе се врати во Битолскиот театар на старото работно место или засекогаш ќе ја напушти актерската професија?- Ова  се поставува како прашање пред битолската јавноста , откако му истече градоначалничкиот мандат.

На социјалните мрежи објавено е видео од настанот кога пред неколку недели досегашниот градоначалник Владимир Талески беше посипан со пари наречени Транспортерки во свечената сала на општина Битола. Герила акцијата се случи за време на средбата на Талески со доброволци кои се вклучиле во гасењето на огнот на Пелистер.

Битолскиот градоначалник Владимир Талески, кој имаше навика да прави отчети за сработеното, на завршувањето од мандатот не даде отчет дали должи Општина Битола и колку, пренесе порталот sdk.mk. Од општина Битола им било кажано дека за да се добијат информација за тоа колку е долгот, треба да достават Барање за слободен пристап до информации, зашто било време на изборна кампања. Брање доставиле, па очекуваат одговор, но ако се земе предвид дека рокот за одговор е 30 дена, информацијата ќе треба да ја даде следната локална власт.

Владимир Талески,  заминува од градоначалничката фотеља, оставајќи ја поранешната касарна како големо градилиште наместо ветената урбана населба. Три асфалтирани улица, незатворени шахти, ископано – незавршено, земјени пристапи, кал и ѓубре, вака накусо може да се опише моментната слика во новата населба, која уште на самиот почеток доби холивудско име „Златен рид“.

Светиот Некатриј -заштитникот на Битола не доби храм во својот град, иако битолскиот градоначалник Владимир Талески тоа го вети пред четири години. Ветувањето дека во срцето на градот ќе никне уште еден православен храм падна на 24 март 2013 година, точно четири дена пред локалните избори. Тогаш Талески во придружба на министерката за култура Елизабета Канческа Милевска пред Саат-кулата промовираа идејата за изградба на црквата.