Неофицијално приказната започнала кога пред зградата на Основниот суд во Битола, во центарот на градот, непознати мажи со автомобил  запреле  на тротоарот маж од ромската националност со цел да го распрашаат каде е  Домот за посвојување на деца. Мажот отишол  со нив во автомобилот  да им ја покаже локацијата.

Наводно според кажувањето на битолчанецот, бидејќи веќе се наближувало полноќ, мажите излегле со бебето од автомобилот и се упатиле кон вратите на домот, но таму почнале силно да тропаат на врата, па дежурните вработени исплашени и откако не се разбрале во комуникацијата повикале полиција. Двајцата мажи во тој момент за да побегнат од полицијата му го оставиле бебето во рацете на битолчанецот и  заминале во непознат правец.

Полицијата дошла веднаш  на повикот, ама го затекнала само битолчанецот. По ова били повикани социјалните служби и детето било однесено на преглед во Детското одделение во болницата, каде освен мала дехидрираност , било констатирано дека неговото здравје не било загрозено.