Откорнат од земјата и фрлен на тревникот е сообраќаен знак на улицата „Север и Југ“ во Битола.  Оставен е покрај  едно дрво со денови иако жители од околните згради велат дека пријавиле во полиција. Според нив  знакот  кој покажува дека „наидува улица со  првенство“ се мисли на улицата „Партизанска“  намерно е откорнат од несовесни граѓани, велат некому му присметало па решиле самоволно да го регулираат сообраќајот како што им одговара.  

Оштетувањето на сообраќајните знаци во Битола не е првпат, па  освен локалните жители, другите не го знаат важечкиот сообраќаен режим и не го почитуваат. Но тука се отвара прашањето што со тие возачи кои не го знаат правилото?

Мала прошетка низ улиците во Битола , особено низ помалите и споредните, е доволна за да се открие и друго неодговорно однесување кон сообраќајната сигнализација низ градот. Дел од сообраќајните знаци се искривени, исчкртани со спрејови, избледени, врз нив се залепени постери, а дел се и откорнати, или само знакот или заедно со металната прачка.

Битолчани  во едно се согласуваат дека низ улиците во градот се вози пребрзо, не се почитуваат ни правила, ни прописи, а неретко улиците се злоупотребуваат од возачите „камикази“ без оглед дали се со автомобили или мотори и скутери. Но, за жал битолчани едно се однесуваат кога се возачи, а друго кога се во позиција на пешаци. Во билтените на сообраќајната полиција секојдневно се регистрираат прекршоци од несовени возачи, се изрекуваат казни  но состојбите не се подобруваат.

Граѓаните кои живеат во зградите во близина на Градскиот зелен пазар во Битола, се жалат дека продавачите на земјоделски производи, но  и купувачите ги окупираат зелените површини и пешачките патеки на улиците околу пазарот, особено поранешната улица „Едвард Кардељ“.

Поради врнежите од снег на планинскиот премин Ѓавато од 19,20 часот е воведена забрана за тешки товарни возила. 

Сообраќајот на државните патишта се одвива по влажни коловози со остатоци од кашест снег, а забрана за движење на тешки товарни возила има на патните правци Маврово-Дебар, Стража-Кичево и на планинскиот превој Пресека. Забраната на Ѓавато престана да важи од 12 часот и 30 минути.

Поради појава на магла видливоста е намалена до 100 метри на планинскиот премин Стража.

Интензитетот на сообраќајот на патните правци надвор од градските средини е умерен. На граничните премини нема подолги задржувања за влез и за излез од државата. Оваа информација се однесува само за македонската страна на премините , изнфомрираат од АМСМ.

На одредени патни правци кои поминуват низ клисури и усеци можна е појава на поситни одрони.

ЈП„ Македонија пат“ апелира на внимателно возење и прилагодување на брзината спрема условите на патот.

-Дежурните екипи на ЈП„ Македонија пат“ се постојано на терен и ги одржуваат сите патни правци проодни, информираат од ЈП Македонија пат

Снежната пкривка утрово во 8 часот во Битола изнесуваше 16 цм, а температурата изнесуваше -4 степени.

Денеска ќе биде облачно и студено, со врнежи од снег. Врнежите ќе бидат пообилни во претпладневните часови, особено во јужните делови. Попладне врнежите ќе ослабат насекаде. Температурата во интервал од -4 до 1 сепен.

И понатаму ќе бидеме под влијание на многу студена и влажна воздушна маса што ќе услови се постудено време со повремен снег. Локални врнежи од снег ќе има и утре претежно во западните делови а краткотраен снег е можен и во ноќта од среда кон четврток, кога ќе има прекин на врнежите.

Температурите ќе бидат значително под просекот за овој период од годината. Најстудено ќе биде во среда и четврток преку ноќта, кога утринската температура на места ќе се спушти и под и -10 степени.

Од петок температурите релативно брзо ќе се покачуваат.