Тешки нелогичности на цените на трудот (Пишува Светлана Петковска, граѓански активист)

Јуни 20, 2019

Во Битола тешко се наоѓаат дреари, градежници, заварувачи, чувари на стари лица. Од друга страна пак, многумина ќе ви речат дека бараат работа.

Србите велат убаво: „Тражим посао, молим Бога да га не наџем“

Младите бараат полесна работа од која може да се направат повеќе пари, по можност. Можеби за ваква состојба, имаат удел и нелогичностите кои се видливи на пазарот на трудот во овој, по многу, нелогичен 21-ви век.

По анализите кои се прават, „најслатки“ пари се во и околу бизнисите при правење на свадби и други веселби. Така, една слика на свадба (без никој да ве праша дали сакате) ќе ве чини 150 денари. Во нормални услови, таа слика чини околу 20 денари.

Свадбарските торти одат до вртоглави 500 евра (за стотина парчиња торта).

Свеќите кои во нормални услови чинат 100 денари, за свадба се 500 денари.

Значи, ако отварате бизнис, нека се врти околу свадбите, па што и да е!

Шминкањето е посебна приказна. Ако сте среќник, да најдете шминкер (многу од нив се приучени за оваа работа) ќе ве чини 700 денари, а за оние со подлабок џеб и до 3000 денари.

Другата страна на медалот: ако барате работа во делот на „Грижа на лица по дома“, нема да се офајдите со повеќе од 100 ден/час. Тука влегува менување на пелени на лицата, пазарење за нив, капење и хранење на лицата. Значи: ако чувате изнемоштено лице треба да го исчувате добри 30 часа х 100 денари = 3000 денари за да направите пари за една шминка за некоја свадба.

Логика.........ја нема. Или јас не ја разбирам!

 

 Светлана Петковска, граѓанска активистка

                                                                                                                                                                                                                                                                                                                                                                                                                                                           

Сподели

Login to your account

Username *
Password *
Remember Me
© 2021 АПЛА.мк. Сите права се задржани