Денеска започна изградбата на внатрешните станбени улици во новата населба „Златен рид“. За почеток багерите влегоа во улицата „Тодор Скаловски“ позади зградата „Аурум“. Од кредитот за изградба на улици во поранешната касарна што го подигна бившата локална власт во висина од 2 и пол милиони евра, останале пари, па новата локална власт донесе одлука да  прави уште десет нови улици во поранешната касарна.

Во Битола често може да се види добиток без стопан како се шета по улици, а граѓаните на социјалните мрежи шеговито коментираат дека миграциската треска село-град ја зафатила и стоката.

Улиците во центарот на Битола се во очајна состојба, раскопан асфалт, дупки како кратери, пропаднати шахти, а после секој дожд езерца. 

Битолскиот градоначалник, Владимир Талески, и на три дена пред локалните избори  и неговото заминување не успеа да го исчисти ѓубрето од градот . Вдолж улицата „Партизанска“ има купишта од паднати лисје, кои ветерот повторно  ги носи на сите страни. Градот и по 12 години од неговото владеење е опседат со диви депонии особено по течението на Драгор, а за жал не е исклучок ниту централното градско подрачје. Обиколницата и запаленото ѓубриште се посебна тема.

За разлика од него досегашната градоначалничка на Тетово, Теута Арифи ,како што јавуваат медиумите,  барем неделава ги исчистила и измила  улиците, тротоарите и јавните површини низ градот.

Владимир Талески,  заминува од градоначалничката фотеља, оставајќи ја поранешната касарна како големо градилиште наместо ветената урбана населба. Три асфалтирани улица, незатворени шахти, ископано – незавршено, земјени пристапи, кал и ѓубре, вака накусо може да се опише моментната слика во новата населба, која уште на самиот почеток доби холивудско име „Златен рид“.