Акцијата ,,10 милиони евра за 10 илјади инвертери” донесе повеќе високоефикасни инвертер клими за домаќинствата од тоа што се очекуваше. Акцијата спроведена во Скопје, Тетово, Кичево и Битола во текот на 2020/2021 со средства од АД ЕСМ во износ од 10 милиони евра и со одлука на Владата на Р. Северна Македонија, обезбеди чисто греење за голем број домови во општините со регистрирана највисока аерозагаденост и напуштање на греењето на цврсти горива кои загадуваат.

За остварување на оваа мерка владата му препорача на Управниот одбор на АД Електрани на Северна Македонија (ЕСМ), во рамките на акумулираната добивка, да донесе одлука за обезбедување средства во висина од 618.000.000 денари за субвенционирање на граѓаните за набавка на високоефикасни инвертер клима уреди.

Владата ги префрли средствата во наменски фонд, од каде се распределија на Град Скопје, општина Тетово, општина Кичево и оштина Битола.

Субвенционирањето се реализираше по принципот „прв дојден, прв услужен“.

За субвенции во Скопје можеа да аплицираат и домаќинставата од општините кои не се во склоп на Град Скопје односно Арачиново, Сопиште, Илинден. Предност во процесот имаа семејствата кои имаат месечни приходи до 30.000 денари.

Градот Скопје наместо предвидените 5200, досега додели 6150 субвенции за инвертери, затоа што дел од субвенционираните баратели имаа потрошено помалку средства од предвидениот максимум од 62 илјади денари.

За акцијата беше доделен буџет од 322.400.000,00 денари, исплатени се 298.416.632,00, а останати 23.983.368 денари, кои се доволни за уште околу 400 инвертери за кои ќе биде распишан нов повик.

Инвертерите се доделени во следните општини:

Кисела Вода 1184

Ѓорче Петров 1058

Гази Баба 947

Бутел 718

Чаир 704

Карпош 630

Аеродром 542

Центар 306

Сарај 226

Шуто Оризари 167

Други 15

Општина Кичево наместо предвидените 800 клима уреди, додели 810, затоа што останале средства од предвидениот буџет.

По завршувањето на акцијата од добиени 49.496.058,00 денари останати се 103.942,00 денари.

Покриена беше територијата на цела општина, аплицираа баратели со живеалишта и од град и од село, со тоа што во најголем процент од околу 90% барателите беа од Кичево.

Општина Тетово наместо предвидените 1500 субвенции, додели 1589 клима уреди бидејќи исто така и во оваа општина останале средства.

Субвенциите од вкупно 92.700.000 денари биле целосно поделени, во Тетово и населените места Порој и Голема Речица.

Општина Битола доби 155 милиони денари за акцијата, од кои останале помалку од 1 милион денари. Досега се доделени 2500 инвертери, пиушува во соопштението на ЕСМ.

Во Општина Битола денес пристигна третото, од предвидените четири минибуси на метан, како дел од заложбата на градоначалничката Наташа Петровска за создавање на услови за почиста животна средина. Претставникот на компанијата Каргомакс, Стеван Мишев и ги предаде клучевите од возилото на градоначалничката Наташа Петровска, која и денес посочи дека овие возила – минибуси на еколошко гориво ќе бидат во функција на учениците и граѓаните на Општина Битола.

Денеска по повод Европскиот ден на органодонорството се одржа настан за подигнување на свесноста за значењето на донирањето на органи и ткива, како и донирањето на коскена срцевина како  начин на лекување и спасување човечки животи. Настанот е посветен на сите семејства кои донираа органи од своите блиски, како и на донаторите на коскена срцевина. По повод Европскиот ден на органодонорство, министерот за здравство др Венко Филипче, Националниот координатор за трансплантација на органи и ткива др Маја Мојсова Мијовска и директорката на Клиниката за хематологија др Ирина Пановска Ставридис  направија ретроспектива на спроведените активности на полето на трансплантацијата во изминатите две години и се освраа на значењето на трансплантација во земјава.

Општина Битола инвестира преку програмата за социјална заштита за 2021 година, согласно објавениот јавен повик за искористување на средства за адаптација, изградба или поставување на инфраструктура и опрема за физичка пристапност во домот на лица со попреченост.

Градоначалничката на Општина Битола, м-р Наташа Петровска, го посети домот на Лидија Ристевска, лице кое е корисник на средствата наменети за помош и олеснување на лицата со попреченост. Ристевска појасни дека со средствата од Општина Битола се извршени неколку корекции и прилагодувања во тоалетот, олеснет е пристапот до кујната со рушење на ѕид, заменета е вратата за терасата со поширока со отстранување на праговите.На средбата, Ристевска изрази посебна благодарасност до градоначалничката Петровска, бидејќи сите овие интервенции во значајна мерка и го олеснија секојдневното движење низ станот и и овоможија подостоинствено да се справува со предизвиците со кои се соочува како инвалидизирано лице.

На седумте апликанти кои аплицираа на повикот, исплатени им се над 355.000 денари, во инвестиции за надминување на досегашните бариери кои значително им го отежнувале животот. Јавниот повик за кој се обезбедени 1.000.000 денари е отворен во текот на целата година, до целосно искористување на средствата.

Подобрувањето на условите и новите можности кои создаваат еднакви услови за сите граѓани, се постојана заложба во мандатот на градоначалничката Петровска.

• Покрај прилагодувањето на 17 локации на улицата „Партизанска“, каде што е направено спуштање на тротоарите, како и активностите кои се во тек на други улици, завршено е и уредувањето на пристап на улица во населбата „Девеани“, каде што живее инвалидизирано лице.

• На иницијатива на градоначалничката Петровска, со средства од над 1.500.000 денари, општината обезбеди лифт за влез во општинската зграда и изврши целосна санација и адаптација на тоалет наменет за лицата со потешкотии во мобилноста.

• Направена е пристапна патека во салата на Советот на Општина Битола, со што е овозможен влез во салата за лица со количка, присуство на состаноци и учество во процесот на носење одлуки.

• Општината инвестираше и во пристапност до Дневниот центар за лица со телесна и интелектуална попреченост.

• Преку проектот СМАРТ КУЛ ТУР, финансиран од ИПА програмата за прекугранична соработка направена е пристапност и до Археолошкиот локалитет Хераклеа.

• Со инвестиција од 2 700 000 денари, преку проектот „Зајакнување на општинските совети“, финансиран од УНДП, општината на 4 локации, во дворовите на детските градинки: „Коца Василева“, „Пролет“ и училишните дворови на ОУ „Коле Канински“ и ОУ „Св. Климент Охридски“, ги збогатени можностите за детски креативно рекреативни активности, преку изградба на детски инклузивни паркови, детски креативни игралишта, а во својот возен парк обезбеди уште едно транспортно возило – минибус, наменето за лицата со попречености.

Домувањето и неможноста за економска независност се едни од клучните проблеми поради кои жртвите на семејно насилство не се одлучуваат да го напуштат насилникот, посебно ако имаат и малолетни деца, покажа истражувањето на Здружението за еднакви можности „Семпер“ од Битола. Со истражувањето „Институционализирање на квалитетни сервиси за рехабилитација и интеграција на жени жртви на насилство“ беа интервјуирани и жени кои го напуштиле насилниот партнер, граѓани, како и институции кои се занимааваат со оваа проблематика.

Во време на пандемија и економска криза Владата на Р. Северна Македонија и АД ЕСМ се грижат граѓаните да не плаќаат скапа струја. Само Христијан Мицкоски заговара АД ЕСМ да не ја продава струјата за граѓаните по ниска цена. Предлага истата да ја продава на регионалните берзи по многу високи цени, од каде Снабдувачот треба да ја купи и по такви високи цени да ја продава на домаќинствата, реагираат од ЕСМ на критиките на лидерот на опозицијата Христијан Мицкоски.

„Не е јасна економската и социјална логика и за што се залага Христијан Мицкоски. Ако АД ЕСМ ја продава електричната енергија на берза за да оствари поголем приход, тогаш ЕВН како снабдувач на граѓаните треба истата електрична енергија да ја купи од берза по уште повисока цена и со висока цена да ја продаде на граѓаните, а притоа да се соочи и со потешкотии да ја набави, што исто така ќе биде на штета на граѓаните“, стои во соопштението на ЕСМ. .

-Исто така се залага да не се набавува јаглен за РЕК Битола и РЕК Осломеј, а со тоа да не се произведе поевтина струја за стопанството и да не се зацврсти економијата. Дали Мицкоски го предлага неговиот модел во менаџирањето на производството на електрична енергија? Дали го предлага неговото искуство од времето кога беше директор на ЕЛЕМ, кога во 2017г купи увозна струја по астрономски високи цени и до 240 евра за MWh. За на ЕВН да му ја продаде за 40 евра за MWh? И тоа да биде платено 5.600.000 евра државни пари? Дали Мицкоски и сега се залага да не се зголеми  домашното производство  на поевтина електрична енергија-прашуваат од ЕСМ.

Од таму додаваат дека уште минатата година се поставија неколку прашања, на кои Христијан Мицкоски не даде одговор:

1. Зошто Христијан Мицкоски во 2017 година дозволил да нема евтино домашно производство и наместо тоа-да купува скапа увозна струја?
2. Зошто купувал ден за ден, што е модел за највисоки цени? Зошто не набавил плански за подолг период, со што би се постигнало намалување и упросечување на цените? Дали така ќе се избегнеше цената од 240 евра?
3. Дали со неговото неодговорно раководење, свесно ја оневозможил компанијата да произведе сопствена евтина енергија, со што ја загрозил стабилноста на електро-енергетскио систем, а исто така предизвикал сериозна материјална штета?

До денес нема одговор на прашањата. Наместо тоа Христијан Мицкоски и денес се залага да не се произведува домашна струја, се залага да не се продава струјата кон граѓаните по субвенционирана цена и изнесува математики и пресметки кои се неодржливи.

Веселата математика на Мицкоски ја сметаме за предизборно политикантство кое нема основа во реалната економија. АД ЕСМ е надвор од политичките институции и компанијата, водејќи се по економската логика и потреби, засилено ќе произведува домашна струја, и за граѓаните и за стопанството, пишува во соопштението.